PPk ukatu egin du Jaurlaritzari babesa ziurtatu diola aurrekontuak onartzeko

Carlos Agirre Eusko Jaurlaritzako Ekonomia eta Ogasun sailburuak atzo esan zuen PPren babesa dutela Jaurlaritzaren 2012ko aurrekontuak onartzeko. Zehaztu zuen aurrekontuen proiektua PPrekin negoziatu dutela eta beraz PPren babesa duela. Iñaki Oiartzabal EAEko PPren idazkari nagusiak, ordea, gezurtatu egin zuen Agirrek esandakoa. Agirreri erantzun zion baieztapen hori «oso baikorra» dela, PPk oraindik ez baitu hitzartu aurrekontuen babesa. PP gizarte laguntzak %7 jaistearen kontra dagoela esan zuen Oiartzabalek. Aurrekontuei buruzko eztabaida abenduaren 23an egingo dute Eusko Legebiltzarrean.