PSEk «euskal eskuinen» jarrera gaitzetsi du

BILBO. Zerga kontuetan duten jarrerarengatik «euskal eskuinek» foraltasuna «bortxatzen eta bahitzen» dutela salatu du PSEk. Jose Antonio Pastor alderdi sozialistako bozeramailearen arabera, PPren eta EAJren helburu bakarra «Jaurlaritza itotzea» da, eta horregatik baztertzen dituzte diru sarrerak handitzea ekarriko luketen proposamenak. Batzar Nagusietara eramango ditu PSEk zerga sistemari buruzko bere proposamenak.