Araba, Bizkai eta Gipuzkoan koska bat gora egin dute txikizkako merkataritzaren salmentek urrian. Iazko hil berarekin alderatuta %5 handitu dira. INEren datuen arabera, igoera nabarmen hori ez da gertatu Nafarroan, %0,4ko igoera besterik ez baitio ematen. Sektorearen enpleguari buruz, Espainiako estatistika institutuak dio %0,4 hazi dela EAEko lurraldeetan, eta igoera handixeagoa ematen dio Nafarroari, %0,6ko hain zuzen.
Txikizkako merkataritza aurten islatzen ari den goranzko joerari eutsiko balio azken bi hilabeteetan, urtea igoerarekin bukatuko luke lehen aldiz azken urte hauetan.
