Sarako laborari bat galdekatu dute Bordelen

BAIONA. Sarako laborari batek aduana judizialak Bordelen (Frantzia) duen bulegoan deklaratu behar izan zuen herenegun, abereentzako erremedioak Nafarroan erosteagatik. Kontrabandoa eta iruzurra leporatzen diote. Iragan urrian hasitako inkestaren segida da. Orduan, atxilotu, etxaldea miatu eta Kanboko aduanen egoitzan galdekatu zuten.