SEI EURO ORDUKO, ETA EZ HAMABI

Lan hitzarmenean jasota dagoenez, eraikuntzako ofizialak orduko hamabi euro kobratu behar ditu, baina sei euro kobratzen dituela salatu du LABek. Krisiaren aitzakiarekin eraikuntzako lan hitzarmena ez dela betetzen adierazi du sindikatuak, eta hein batean, azpikontratazioak egin ditu horren erantzule. Batez ere enpresa publikoak hitzarmena urratzen dutela esan du. Egoera salatu eta sektorean lan baldintza duinak eskatzeko, elkarretaratzea egin zuen atzo, Donostian.