Sofia Erregina ospitaleko lanetan langile bat hil da

IRUÑEA. Langile bat hil zen atzo Tuteran, Sofia Erregina ospitaleko obretan. Foruzainak gertatutakoa ikertzen ari dira, baina lehen ikerketen arabera, berezko arrazoiengatik zendu zen. Ospitaleko larrialdi zerbitzuetako kideak saiatu ziren langilea suspertzen, baina ezin izan zuten ezer egin. Langileak, J.A.A.P. gizonezkoak, 44 urte zituen, eta Cintruenigokoa zen.