Suitzako frankoa euroari lotzea aztertzen ari dira

ZURICH. Suitzako Banku Nazionala (SNB) franko suitzarraren balioa apaltzeko neurriak hartzen ari da, egunotan moneta izugarri indartu baita: hainbat inbertitzaile franko suitzarrean inbertitzen ari dira, finantza sektoreko ekaitzetik ihes egiteko. Aztertzen ari den neurrien artean dago frankoaren kotizazioa euroari lotzea. Baita atzerritarren gordailuak zigortzeko zergak ezartzea ere.