Nafarroako Gobernuak eman du sutearen berri, eta jakinarazi du eragindako kalte materialak ez direla handiak. 06:32ean ohartarazi diete suteaz larrialdi zerbitzuei. Ordurako langileak kanpoan ziren, sutearen eraginez ke handia sortu dela-eta ke hori ez arnasteko.
Altsasuko suhiltzaileak bertara joan, eta sua itzali dute. Cordovillako (Nafarroa) eta Aguraingo (Araba) suhiltzaileak ere ohartarazi dituzte, baina horien laguntzarik ez dute behar izan. Lantegira joandako anbulantziak ere ez du inor artatu behar izan.
Sua itzalita, garbiketa eta airezatze lanetan dihardute enpresako beharginek lanari berrekin baino lehen. Foruzaingoa ikertzen ari da zer dela-eta piztu den sutea.
