Lourdes Goikoetxea Nafarroako Gobernuko Ekonomia eta Ogasun kontseilariaren arabera, Sodenaren bitartez "gogor" ari dira lanean irtenbide bila. Asteon berretsi du Sunsundegui ez ixten ahaleginduko direla.
Sakanako egoeraz galdetuta, argitu du gobernua ez dela soilik inguru horretan lanean ariko, "Nafarroako guztiekin" baizik. Talleres Ezquerra enpresari egindako bisitan egin ditu adierazpenok. Sakanan egoera "ezberdinak" daudela gaineratu du, eta, haren arabera, "gairik garrantzitsuena" Sunsundeguirena da.
Inasaren egoera ere hizpide izan du. Gobernuak orain "inplikatuta" jarraitzen du, Goikoetxearen hitzetan, eta irtenbiderik ba ote dagoen aztertzen. "Gobernuan ikusten dugu enpresaren bat hurbil daitekeela erkidegora, eta ea baten batek inguru hartan jartzea erabakitzen duen".
Dena den, uste du "hainbat udalek" jarrera aldatu beharko luketela. "Olatzagutian ikusi dugu lizentzia batzuk emateko trabak izan direla".
