«Talentuak» Bizkaira erakartzeko, 3,8 milioi

BILBO.Bizkaiko Diputazioak azaldu duenez, azken urteetan 3,8 milioi euro inbertitu ditu ondo prestatutako langileek ihes egitea saihesteko eta 85 «talentu» fitxatzeko edo berreskuratzeko. Horietatik 36 dira Bizkaikoak, eta gainerako gehienak, Europako Batasunekoak edo Latinoamerikakoak. Automozioan, biozientzietan, aeronautikan eta beste hainbat sektoretan ari dira. 2015era bitartean prestakuntza handiko beste 50 behargin erakarriko ditu, Europako Batasunarekin batera finantzatuko duen programa baten bidez.