Frantzikoa merkantziako trenen arloan sailez sail egin nahi duten berregituraketa salatzeko CGT, CFDT, SUD RAIL eta UNSA sindikatuek deituta greba egiten ari dira eta ia tren zerbitzu osoa etenda dago Ipar Euskal Herrian baita Frantzia osoan ere. Atzo arratsaldeko zortzietan hasi ziren protestak eta gaur gauerdira arte iraungo dute.
Sindikatu deitzaileen arabera, merkantzia trenen berregituraketak "ingurumenean ondorio kaltegarriak izateaz gain, lurralde antolaketan eta batez ere lanpostuetan izango du eragina, izan ere, 6.000-8.000 lanpostu galduko dira". Soldata igoera, lanpostuen defentsa eta lan baldintzak hobetzea ere galdatzen dute sindikatuek.
Gaurko tren zerbitzuaren inguruko informazioa SNFC Frantziako Estatuko trenen enpresaren orrialdean kontsultatu daiteke.
ekoNOMIA
Tren langileak greban daude Ipar Euskal Herrian
Ia tren zerbitzu guztia etenda dago. Merkantziako trenen arloan egin nahi duten berregituraketa salatzeko deitu dute greba CGT, CFDT, SUD RAIL eta UNSA sindikatuek.
Iruzkinak
Ez dago iruzkinik
Ordenatu
