Eustatek eman berri dituen datuen arabera, igo egin da uztailean EAEra etorri diren bisitari kopurua. Hazkundea ez da, ordea, ekainean bezainbestekoa izan. Uztailean %0,4 areagotu da turista kopurua, iazko datuekin alderatuta. Gipuzkoak izan du gorakada nabarmenena: %1,1. Bizkaian, berriz, %1 handitu da bisitari kopurua.
HIru lurraldeetatik, Araba izan da gainbehera izan duen bakarra. Han %3,7 gutxitu dira turistak.
Bisitek, hala ere, ez dute handitu ostalaritzan aritzen diren langileen kopurua. Horiek %2,1 gutxitu dira, iazko uztailarekin alderatuta.
