Vocentok %36 gutxiago irabazi du irailera arte

MADRIL. Vocento komunikazio taldeak 47,1 milioi euro irabazi ditu urtarriletik irailera, iaz garai berean baino %36 gutxiago. Publizitateak ematen dizkion diru sarrerak gutxitu izanari eta enpresa berregituratzeak sortutako gastuei zor zaizkie emaitza txar horiek. Hain zuzen, 194,3 milioi euro lortu ditu publizitatetik, %25,2 gutxiago. Taldearen negozio zifra 553,5 milioi eurokoa da, %13,1 txikiagoa.