Guztira Polo markako 305.700 auto ekoiztu ziren iaz Volkswagenek Landabenen duen lantegian. Hiru urtetan jarraian egin du gora produkzioak, eta iazko izan zen handiena, %5,5eko gorakadarekin. Datu hori kontuan hartzekoa dela nabarmendu du konpainiak, iaz ere joan den urtean hasi ziren Polo berria ekoizten. "Ekoizpen erritmoan ez du eraginik izan".
Iruñean egindako autoen %93 esportatu egin ziren, 80 herrialdetara. Hain zuzen, Hego Euskal Herritik eta Espainiatik gehien esportatzen den autoa da. Europako hamar auto salduenen artean dago Polo marka.
4.200 lagunek egiten dute lan enpresan.
