Labea itxi zuten aurreko astean, eta herenegun produkzioa amaitu zuen. Urola Garaian jakin badakite itxiera behin betikoa izan daitekeela, baina ez dute amore eman nahi eta herritarrek langileekin bat egin dute Arcelor Mittaleko lantegiaren eta langileen aldeko giza katean. Ozen ari dira oihukatzen: "Jo ta ke, irabazi arte". 11:00etan hasi dute giza katea Zumarraga eta Urretxu arteko bidean eta bete egin da bidea.
Herritarren erabateko sostengua jaso dute langileek gaur. "Ez gara 300. Bailara osoa gara", argudiatu dute. Sinera hotsen artean adin guztietako herritarrak batu dira.
