BOSNIA ETA HERZEGOVINA

Hizkuntzak: bosniera, kroaziera, serbiera (ofiziala; hizkuntza bakarra da, baina hiru izen horiek hartzen ditu serbokroazierak Bosnia eta Herzegovinan).
Biztanleak: 3,7 milioi (NBE, 2012). Bosniak (%48, hegoaldeko eslaviar musulmanei deitzen zaie), serbiar (%37,1), kroaziar (%14,3), beste (%0,6).
Erlijioak: musulman (%40), ortodoxo (%31), katoliko (%15), beste (%14).
Jakingarriak: Bosnia eta Herzegovina da estatu honen izen ofiziala, baina Bosnia ere erabil liteke, besterik gabe. Daytongo Akordioari jarraikiz (1995-12-14), bi entitate konfederatutan banatu zuten: Bosnia eta Herzegovinako Federazioan (Federazio Kroaziar-Musulmana ere deitzen diote, eta lurraldearen %51 inguru hartzen du) eta Bosniako Serbiar Errepublikan (lurraldearen %49 inguru hartzen du, eta herrialdeko biztanleen %40 inguru; ingelesez, Republic of Srpska).
 

ESLOVENIA

Hizkuntzak: esloveniera (ofiziala, %91,1), serbokroaziera (%4,5), beste (%4,4; italiera eta hungariera ere ofizialak dira gutxiengo horiek babesten dituzten lurraldeetan).
Biztanleak: 2 milioi (NBE, 2012). Esloveniar (%83,1), serbiar (%2), kroaziar (%1,8), bosniak (%1,1), beste (%12; hungariar, italiar...).
Erlijioak: katoliko (%57,8), musulman (%2,4), ortodoxo (%2,3), bestelako kristau (%0,9), sinesgabe (%10,1), afiliaziorik gabe (%3,5), beste (%23).
Transkripzioak: alfabeto latinoa erabiltzen dute.
 

KOSOVO

Hizkuntzak: albaniera eta serbiera dira ofizialak.
Biztanleak: 1,8-2,4 milioi. Albaniar (%88), serbiar (%7), bosniak (%3), ijito (%2), turkiar (%1).
Erlijioak: albaniarren %90 musulmanak dira, eta %10 katolikoak. Serbiarrak ortodoxoak dira, bosniak deituak musulmanak, ijitoak ere bai gehienak, eta berdin turkiarrak (sunitak, nagusiki).
Jakingarriak: Independentzia aldarrikatu zuen 2008ko otsailaren 17an, eta Serbiatik bereizi.
 

KROAZIA

Hizkuntzak: kroaziera (serbokroazierak estatu honetan duen izen ofiziala; %96,1), serbiera (%1), beste (%2,9; italiera, hungariera, txekiera, eslovakiera, alemana).
Biztanleak: 4,4 milioi (NBE, 2012). Kroaziar (%89,6), serbiar (%4,5), musulman eslaviar edo bosniak (%0,5), hungariar (%0,4), esloveniar (%0,3), txekiar (%0,2), ijito (%0,2), albaniar (%0,1), montenegroar (%0,1) eta beste (%4,1).
Erlijioak: katoliko (%87,8), ortodoxo (%4,4), musulman (%1,3), protestante (%0,3), sinesgabe (%5,2), beste (%1).
 

MAZEDONIA, IPAR MAZEDONIA

Hizkuntzak: mazedoniera (ofiziala; %66,5), albaniera (%25,1), turkiera (%3,5), erromani (zingaro, %1,9), serbiera (%1,2), beste (%1,8; aromaniera edo vlach, greko...). Gutxiengo etnikoren bateko kideak biztanleen %20 baino gehiago diren udalerrietan, beren hizkuntzak erabilera ofiziala du tokiko erakundeetan.
Biztanleak: 2,1 milioi (NBE, 2012). Mazedoniar (%64,2), albaniar (%25,2), turkiar (%3,9), ijito (%2,7), serbiar (%1,8), beste (%2,2; aromaniar edo vlach, greziar, bosniak, kroaziar, egiptoar, bulgariar...).
Erlijioak: kristau ortodoxo (%32,4), musulman (%16,9), beste eta zehaztugabe (%50,5).
Jakingarriak: gutxiengo albaniarrak beren eskubideen alde matxinatu ziren 2001eko urtarrilean. Urte hartan bertan, bake ituna izenpetu zuten Mazedoniako alderdi eslaviar eta albaniarrek.
Transkripzioak: izen bereziak idazteko, ikus zirilikotik transkribatzeko taula.
 

MONTENEGRO

Hizkuntzak: Montenegroera da ofiziala (serbieraren aldaera baten estandarra). Bosniera, albaniera eta kroaziera ere erabiltzen dira ofizialki.
Biztanleak: 633.000 lagun (NBE, 2012). Montenegroar (%43,16), serbiar (%31,99), bosniak (%7,77; eslaviar musulmanak dira), albaniar (%7,09), kroaziar (%1,1), ijito (%0,4).
Erlijioak: kristau ortodoxo (%74), musulman (%17,7),
Jakingarriak: 1992tik aurrera Jugoslaviako Errepublika Federala izan zena Serbia eta Montenegro bihurtu zen 2003ko otsailaren 4an, harik eta 2006ko maiatzean eginiko erreferendumaren ondorioz Montenegrok independentziarako bidea hartu zuen arte.
 

SERBIA

Hizkuntzak: serbiera (ofiziala); errumaniera, ruteniera, eslovakiera, kroaziera eta hungariera (horiek guztiak ofizialak dira Voivodinan). Beste zenbait gutxiengoren mintzairak ere badira Serbian, tartean erromani hizkuntza.
Biztanleak: 9,8 milioi (NBE, 2012). Erdialdeko Serbia: 5,6 m.; Voivodina: 2,3 m. Erdialdeko Serbian eta Voivodinan: serbiar (%82,8), hungariar (%3,9), bosniak (%1,8), ijito (%1,44).
Erlijioak: Bai Erdialdeko Serbian eta bai Voivodinan, serbiar ortodoxoak dira nagusi.
Jakingarriak: 1992tik aurrera Jugoslaviako Errepublika Federala izan zena Serbia eta Montenegro bihurtu zen 2003ko otsailaren 4an, harik eta 2006ko maiatzean eginiko erreferendumaren ondorioz Montenegrok independentziarako bidea hartu zuen arte. Serbiak hiru egitura administratibo izan ditu 2008 arte: Erdialdeko Serbia esaten dioten eskualdea, batetik, eta bi eskualde autonomo, bestetik: Voivodina iparraldean, eta Kosovo eta Metohia hegoaldean. 2008ko otsailaren 17an, Kosovok independentzia aldarrikatu zuen, eta Serbiatik bereizi. Ikus Voivodina.
Transkripzioak: Serbian bi alfabeto erabiltzen dituzte: zirilikoa eta latinoa. Izen bereziak idazteko, ikus zirilikotik transkribatzeko taula.
 

TURKIA

Hizkuntzak: turkiera (ofiziala), kurduera, arabiera, armeniera, greziera.
Biztanleak: 74,5 milioi (NBE, 2012). Turkiar (%80), kurdu (%15-20), abkhaz, albaniar, arabiar, bosniak edo hegaldeko eslaviar musulman, kaldear, txetxen, txerkes, greziar, armeniar, ijito eta beste zenbait.
Erlijioak: musulman (%99,8, gehienak sunitak), beste (%0,2, gehienak kristau eta juduak).
Jakingarriak: Turkiako hego-ekialdea Kurdistanen parte da. Turkiaren mendeko Kurdistango zenbait hiri: Batman, Bingol, Bitlis, Cizre, Diyarbakir, Elazig, Erzincan, Erzurum, Gaziantep, Hakkari, Mardin, Mus, Siirt, Urfa, Tunceli, Van.
Transkripzioak: alfabeto latinoa erabiltzen dute.