idazkuntza >> Estiloa >> Azaldu eta zehaztu

Oker larria da jakintzat ematea irakurleak ez dakiena. Aipaturiko pertsonen kargua, lanbidea edo egitekoak azaldu egin behar dira, eta orobat argitu behar dira bestelako datuak ere: geografikoak, politikoak, ekonomikoak...

[] Egun batzuk geroago, Frantziako Le Figaro egunkariak argitaratu zuen gutuna Matignonera iritsi zela. 

[] Egun batzuk geroago, Frantziako Le Figaro egunkariak argitaratu zuen gutuna Matignonera iritsi zela, hau da, lehen ministroaren egoitzara.

ortotipografia >> Letra larria, xehea eta maiuskula txikia >> Letra larria, izen bereziak markatzeko >> Historia

›Aro, aldi eta gertakari historikoak; mundu gerrak.

Hitz guztiak larriz idazten dira.

Erromatar Inperioa; Erdi Aroa; Frantziako Iraultza; Errusiako Iraultza; Bigarren Mundu Gerra; Pragako Udaberria; 68ko Maiatza

Baina: 36ko gerra; Persiar golkoko gerra; Afganistango gerra

›Erlijioari loturiko aldi eta egunak.

Pazkoan; Mendekoste; Aste Santua; Ostegun Santua; Gabonak, Eguberriak; Ramadana

Baina: Eguberri eguna; Gabon eguna; Gabon gaua; Gabon zaharra; Urteberri eguna; Urtezahar gaua; Pazko bigarrena; Pazko astelehena

ortotipografia >> Laburtzapenak >> Siglak eta akronimoak >> Zer esan nahi duten

›Siglak ordezkatzen duen izena osorik idatzi behar da testu barreneko lehen agerraldian, oso ezaguna denean izan ezik. Bi eratan egin daiteke:

Euskal Herriko Unibertsitatea (EHU) aitzindaria da gure arloan.

EHU Euskal Herriko Unibertsitatea aitzindaria da gure arloan.

›Lehen agerralditik aurrera, aski da sigla erabiltzea. Testu nagusian ez ezik beste informazio elementu batean ere sigla bera agertuz gero, aski da testu nagusian argitzea.

›Hitz gramatikalak (aldeko, kontrako, buruzko, gaineko...) beste hitzak bezala idazten dira siglak laburtzen duen izenean.  

Frantziako Demokraziaren Aldeko Batasuna (UDF); Arma Nuklearrak Ez Ugaltzeko Ituna (NPT); balio erantsiaren gaineko zerga (BEZ); gobernuz kanpoko erakundea (GKE)

ortotipografia >> Laburtzapenak >> Siglak eta akronimoak >> Noiz itzuli

›Oro har, siglak ez dira itzultzen, batez ere herrialde jakin batekoak direnean, baina bai haiek ordezkatzen dituzten izenak.  

PCF, Frantziako Alderdi Komunista; PSC, Kataluniako Sozialisten Alderdia 

›Nazioarteko erakundeen siglak, aldiz, euskaratu ohi dira, batez ere oso erakunde ezagunak direnean.

NBE, Nazio Batuen Erakundea; EBZ, Europako Banku Zentrala 

Dena dela, batzuek oso forma ezaguna dute nazioartean; horrelakoetan, nazioartekoa erabiltzen da.

Unicef; NATO

Normalean, forma ezaguna ingelesezkoa izaten da, baina frantsesezkoa eta gaztelaniazkoa bat izanik nazioartean oso ezaguna denean, huraxe erabiltzen da.

FAO; OIT

onomastika >> Izen bereziak idazteko irizpideak >> Erakundeak, bankuak, elkarteak, fundazioak, alderdi politikoak, sindikatuak eta gobernuz kanpoko erakundeak

›Itzuli egiten dira, salbu euskaraz baliokide argirik ez dutenak.

Frantziako Ekonomia Ministerioa; Nazioarteko Diru Funtsa; Espainiako Bankua; Santander bankua; Ilargi Gorria; Miro Fundazioa; Espainiako Hizkuntzaren Akademia; Alderdi Demokratiko Unionista; Alderdi Demokratiko Liberala; Fronte Nazionala; Mugarik Gabeko Medikuak

Baina: Bundesbank; Banca del Lavoro; King’s College; Scotland Yard; Convergencia i Unio; Sinn Fein; Greenpeace; National Geographic

onomastika >> Izen bereziak idazteko irizpideak >> Siglak eta akronimoak

›Oro har, siglak ez dira itzultzen, batez ere herrialde jakin batekoak direnean, baina bai haiek ordezkatzen dituzten izenak.

PCF, Frantziako Alderdi Komunista; PSC, Kataluniako Sozialisten Alderdia  

›Nazioarteko erakundeen siglak, aldiz, euskaratu ohi dira, batez ere oso erakunde ezagunak direnean.

NBE, Nazio Batuen Erakundea; EBZ, Europako Banku Zentrala

Dena dela, batzuek oso forma ezaguna dute nazioartean; horrelakoetan, nazioartekoa erabiltzen da.

Unicef; NATO

Normalean, forma ezaguna ingelesezkoa izaten da, baina frantsesezkoa eta gaztelaniazkoa bat izanik nazioartean oso ezaguna denean, huraxe erabiltzen da.

FAO; OIT

deontologia >> Jarraibideak >> Lurraldea eta komunitatea >> Itzuli beharrekoetan >> Zuzeneko estiloa eta izenburuak

Hona hemen nola itzultzen diren besteren hitzak zuzeneko estiloan ari garenean, hala nola elkarrizketetan.

erdaraz	euskaraz
País Vasco, Pays Basque, Basque Country	Euskal Herria
País Vasco-Francés	Frantziako Euskal Herria; Euskal Herri frantsesa
Pays Basque-Espagnol	Espainiako Euskal Herria; Euskal Herri espainola
Vascongadas	Baskongadak
Euskadi	Euskadi
vasco	euskal (herritar); euskaldun
vasco-navarro	euskal nafar; nafar euskaldun
vasco-español; basque-espagnol	euskal espainol; euskal espainiar; espainol euskaldun
sociedad vasca	euskal gizartea
partidos vascos	euskal alderdiak
vascongado	euskal (literatura, kantak...)
vascongado (gaur egungo politikan)	baskongado
Vasconia	Euskal Herria; Baskonia
pueblo vasco	euskal herria; euskal populua

 

idazkuntza >> Gramatika >> Izenaren arazoak >> ‘Gasteizko alkatea’ eta ‘alkate gasteiztarra’ (‘-ko’ eta ‘-ar’)

 

FRANTZIA

Hizkuntzak: frantses (ofiziala), okzitaniera, aleman, italiera, bretoiera, katalan, korsikera, nederlandera, euskara, alsaziera; eta etorkinen artean, arabiera, kabiliera edo amazigera, kreolera, portuges, turkiera, txinera (wuera, kantonera, mandarin txinera), vietnamera, khmerera eta beste.
Biztanleak: 63,5 milioi (NBE, 2012). Frantziar, portuges, aljeriar, marokoar, okzitaniar, alsaziar, bretoi, katalan, euskaldun, korsikar eta beste hainbat gutxiengo.
Erlijioak: katoliko (%83-88), musulman (%5-10), protestante (%2), judu (%1), afiliaziorik gabe (%4).
Menpeko herrialdeak: Frantziako administrazioak 18 eskualde edo erregio ditu 2016az geroztik (lehen, 27 zituen). Hamahiru Frantzian bertan daude, eta bost, berriz, itsasoz haraindi. Eskualdeak departamenduz osatuak daude: 96 departamendu metropolikoak dira, eta bost itsasoz bestaldekoak. Kolonia frantsesek estatus bat baino gehiago dute. Batzuk itsasoz haraindiko departamendu eta eskualdea dira (DROM; lehen, DOM-ROM): Guadalupe, Guyana Frantsesa, Martinika, Mayotte eta Reunion. COM izenekorik ere bada (itsasoz haraindiko kolektibitateak): Polinesia Frantsesa, San Bartolome, San Martin, Saint-Pierre eta Mikelune, eta Wallis eta Futuna. Dena dela, Polinesia Frantsesari itsasoz haraindiko herrialdea edo POM deritzo 2004ko estatutuan (pays d'outre-mer). Itsasoz haraindiko lurralde bat ere bada (frantsesez, territoire d'outre-mer, TOM): Frantziaren Lurralde Austral eta Antartikoak. Kolonia bakoitzaren datuak jakiteko, ikus banan-banan. Horiez gain, zenbait uharte Frantziaren menpe daude: Bassas da India, Clipperton uhartea, Europa uhartea.
Transkripzioak: toponimoak idazteko, ikus taulak. Ikus, halaber, Bretainia, Euskal Herria, Herrialde Katalanak, Korsika eta Okzitania.
 

Flandria

Hizkuntzak: nederlandera (ofiziala), frantses, yiddish, turkiera, arabiera, amazigera, italiera, espainiera, ingeles, aleman.
Biztanleak: 9 milioi flandriar bizi dira munduan barrena. Belgikan 6,1 milioi bizi dira.
Erlijioak: katoliko (%75) eta beste (gehienak sinesgabeak dira; protestante, judu, musulman gutxiengoak ere badira).
Jakingarriak: Flandria esaten dugunean, kulturalki edo soziologikoki, Flandriako herriaz edo nazioaz ari gara; politikoki, berriz, Belgika osatzen duten hiru eskualdeetako bat da. Erdi Aroan, Belgikako, Frantziako eta Herbehereetako lurrak biltzen zituen. Nederlanderaz, Vlaanderen esaten diote.
 

Okzitania

Hizkuntzak: okzitaniera deitzen zaio Okzitaniako mintzairari. Gaur egun, oso urritua dago. Hainbat dialekto ditu (biarnes, gaskoi, proventzera, aranera...), eta desberdintasun handiak daude batzuen eta besteen artean. Dialekto horietatik guztietatik, bakarra da ofiziala: aranera, Aran ibarrean. Okzitaniak hartzen dituen lurralde guztietan, beste zenbait hizkuntza mintzatzen dira: frantsesa, espainiera, katalana, italiera.
Biztanleak: 15,6 milioi inguru.
Erlijioak: katoliko, kalbinista.
Jakingarriak: Frantziako hegoalde ia osoa hartzen du Okzitaniak. Okzitaniaren mugak Frantziarenak gainditzen ditu: Italian ere badira okzitanieraz mintzo diren haranak (ipar-mendebaldean), eta Katalunian Aran ibarra ere Okzitaniaren parte da. Biarnok eta Gaskoiniak Euskal Herriarekin dituzten mugak ere eztabaidagai izan dira.
Transkripzioak: Okzitaniako zenbait leku izenek badute tradizio handiko euskal izena, batez ere Biarnokoek, eta hori erabiltzen da BERRIAn. Tradizio gutxiko euskal izenak ez dira hobesten (Lurda, Mendi-Marzana).
 

Polinesia Frantsesa

Hizkuntzak: frantses (ofiziala), tahitiera (ofiziala), markesera (Markesa uharteetan), puka-pukera, tuamotuera (Tuamotu uharteetan), tubuaiera (Tubuai uharteetan), mangareva, rapera.
Biztanleak: 277.000 lagun (NBE, 2012). Polinesiar (%78), txinatar (%12), bertako frantses (%6), metropoliko frantses (%4).
Erlijioak: protestante (%54), katoliko (%30), beste (%10), sinesgabe (%6).
Jakingarriak: Pazifikoko kolonia frantziarra da, eta itsasoz haraindiko herrialdearen estatusa du (POM). 1946tik 2003ra itsasoz haraindiko lurralde izan zen (TOM), eta Frantziako Konstituzioan aldaketa bat egin ondoren, estatus berria onartu zioten Polinesia Frantsesari, autonomia handiagoa izan zezan.

Frantziako Iraultza (Frantses Iraultza*).

Frantziako Kasazio Auzitegia, -a. Frantziako auzitegi gorena.

Antenne2, A2. Frantziako telebista katea (orain, France2).

Asanblea Nazionala, -a. Frantziako Legebiltzarra. Herrialde gehienetakoak parlamentuak edo legebiltzarrak dira. Portugalgo Asanblea*[e.] Portugalgo Legebiltzarra.

askatasuna, berdintasuna, haurridetasuna. Frantziako Iraultzan sorturiko leloa, Frantziako Errepublikak eta Haitiko Errepublikak goiburutzat hartua. Dena dela, kontuan izan zenbait testuingurutan 'haurridetasuna' baino egokiagoa izan litekeela 'anaitasuna'; esaterako, emakumeen bazterketa agerian utzi nahi denean.

Aste Odoltsua, -a (Semaine sanglante**). Frantziako armadak Parisko Komuna desegin zuen astea.

auzitegi. Adingabeen auzitegiak, administrazioarekiko auzien epaitegiak, arbitratzeko auzitegi iraunkorra (fr: CPA), auzitegi korrekzionalak, dei / apelazio auzitegiak, EAEko Auzitegi Nagusia, eliz auzitegiak, Espainiako Auzitegi Gorena, Espainiako Auzitegi Konstituzionala, Espainiako Auzitegi Nazionala, Europako Erkidegoetako Auzitegia (es: TJCE; fr: CJCE; en: ECJ), Europako Kontu Auzitegia, gorte gorenak (fr: cour suprême), Frantziako Kasazio Auzitegia, Frantziako Auzitegi Konstituzionala, Frantziako Krimen Auzitegi Berezia, Giza Eskubideen Europako Auzitegia, instantzia handiko auzitegiak, instantziako auzitegiak, kasazio auzitegiak, kontu auzitegiak (baina Nafarroakoa Kontu Ganbera da), lan auzitegiak (Prud'homme*), Nafarroako Auzitegi Nagusia, Nazioarteko Justizia Auzitegi Iraunkorra (en: PCIJ; es: TPJI; fr: CPJI), polizia auzitegiak, probintzia auzitegiak (lurralde auzitegi*), zigorrak ezartzeko auzitegi (fr: Tribunal de l'application des peines).

auzitegi gorenak. (es: tribunal supremo; fr: cour suprême) Ez nahastu auzitegi nagusiekin. Israelgo Auzitegi Gorena. Espainiako Auzitegi Gorena. Kasazio Auzitegia da Frantziako auzitegi gorena.

auzitegi korrekzionalak. Frantziako justizia sisteman, delitutzat jotakoak epaitzeko auzitegiak. Krimentzat jotakoak, berriz, krimen auzitegiei dagozkie, eta arau hauste arinak polizia auzitegiek epaitzen dituzte.

auzitegietara eraman* e. auzitara eraman. Ikas-Bik auzitegietara eraman du Frantziako Hezkuntza Ministerioa*[e.] Ikas-Bik auzitara eraman du Frantziako Hezkuntza Ministerioa.

barreiatze granada. Frantziako Poliziak manifestariak eta protestariak barreiatzeko darabilen granada mota (fr: grenade désencerclante).

brebeta. Frantziako sisteman, bigarren hezkuntzako lehen zikloaren amaieran egiten den azterketa.

Cesar sariak. Frantziako zinema sariak.

delfin. Frantziako erregegaia.

Delfin Handia, -a (Dofin Handia*, Izurde Handia*). Luis Frantziakoaren goitizena.

departamendu. Frantziako administrazio barrutia.

departamentu. Saila. AEBetako Estatu Departamentua.

Dordoina (Dordogne*). Frantziako departamendua, departamendu horretako hiriburua eta ibaia.

Eliseoa, -a; Eliseoko jauregia, -a (Champs Elysees*). Frantziako Errepublikako presidentearen egoitza. Eliseoko eledun Jerome Bonnefond mintzatu zen atzo.

elkargo 2. Frantziako administrazioko egitura mota. Herri elkargoak, hirialde elkargoak, hirigune elkargoak.

Erdialdeko Mendigunea, -a (Massif Central*, Mazizo Zentrala*). Frantziako erdialdeko eta hegoaldeko eskualdea.

Errepublika Martxan. Frantziako alderdi politikoa. Laburturik, 'Martxan'.

Errepublikanoak, -ak (Les Republicans*). Frantziako alderdi politiko eskuindarra. Ezezko botoa eman zuten Errepublikanoek.

Errepublikaren Eguna, -a. Frantziako jaia, uztailaren 14a.

France2. Frantziako telebista kate publikoa (lehen, Antenne2).

France3. Frantziako telebista kate publikoa.

geografia 2* Ez erabili leku jakin bat izendatzeko. Frantziako geografian barreiatuta *[e.] Frantzian barreiatuta. Frantzia guztian barreiatuta.

gibelapen (sursis*). Frantziako legedian, kondena baten parte bat edo kondena osoa baldintzapean jartzeko modua. Gibelapenezko zigorraldia ez da aplikatuko maila bereko delitu bat berriz egin ezean. Hiru urteko zigorra ezarri dio; horietatik hamazazpi hilabete sursisarekin*[e.] Hiru urteko zigorra ezarri dio; horietatik hamazazpi hilabete, gibelapenarekin. Hiru urteko zigorra ezarri dio; horietatik hamazazpi hilabete, gibelapenezkoak.

Grenelle. Frantziako Gobernuaren eta gizarte eragileen arteko negoziazio eta elkarrizketak. Inoren esanetan bakarrik erabiltzekoa.

gutxieneko. Frantziako gutxieneko soldata. Gutxieneko zerbitzuak. Gutxieneko errespetua.

hemiziklo. Parlamentu batzuk izendatzeko erabiltzen da, hala nola Frantziako Asanblea Nazionala eta Espainiako Diputatuen Kongresua.

herri elkargo. Frantziako administrazioan, udalerriak elkartzeko egitura, hirialde elkargoaren eta hirigune elkargoaren azpikoa (fr: communauté de communes).

hirialde elkargo. Frantziako administrazioan, udalerriak elkartzeko egitura, hirigune elkargoaren eta herri elkargoaren gainekoa (fr: communauté urbaine).

hirigune elkargo. Frantziako administrazioan, udalerriak elkartzeko egitura, hirialde elkargoaren azpikoa eta herri elkargoaren gainekoa (fr: communauté d'agglomération). Iparraldeko herri guztiek Euskal Hirigune Elkargoa osatzen dute 2017az geroztik.

intermitentzia, intermitente. Frantziako administrazioan, ikuskizunetako langileen erregimen berezia; erregimen horretan den langilea.

Jendarmeria. Frantziako polizia erakundea.

jendarmeria. Polizia etxea.

kolektibitate 2. Frantziako administrazioko barrutia.

kontu auzitegiak. Nafarroakoa Kontu Ganbera da. Euskal Autonomia Erkidegoko Kontu Auzitegia, Akitaniako Kontu Auzitegia, Frantziako Kontu Auzitegia.

kosta zenbait. Akitaniako kosta edo Cote d'Argent (Landak), Almeriako kosta, Costa Blanca (Alacant), Costa Brava (Girona), Costa Calida (Murtzia), Costa Daurada (Tarragona), Costa de la Luz (Huelva eta Cadiz), Costa de la Tarongina / Costa dels Tarongers (katalanez) / Costa del Azahar (gaztelaniaz) (Castello), Costa del Sol (Malaga), Cote d’Opale (Pas-de-Calais), Cote d'Amour (Loira Atlantikoa), Cote de Granit Rose (frantsesez) / Aod ar Vein Ruz (bretoieraz) (Mantxa), Cote de Jade (frantsesez) / Aod ar Vein Jed (bretoieraz) (Loira Atlantikoa), Cote de Lumiere (Vendee), Cote de Nacre (Normandia), Cote d'Emeraude (Bretainia), Cote Fleurie (Normandia), Cote Vermeille (Ekialdeko Pirinioak), Garrafeko kosta (Tarragona), Granadako kosta edo Costa Tropical (Granada), Heriotzaren Kosta edo Costa da Morte (Coruña), Kantabriako kosta (Costa cantábrica*), Kosta Urdina (Cote d'Azur*) / Frantziako Riviera (Itsas Alpeak), Maresmeko kosta, Valentziako kosta.

krimen auzitegi (asisak*, asisetako gorteak*). Frantziako justizia sisteman, krimentzat jotakoak epaitzeko auzitegiak (fr: 'cour d'assises'). Delitutzat jotakoak, berriz, auzitegi korrekzionalei dagozkie. Arau hauste arinak polizia auzitegiek epaitzen dituzte.

La Marseillaise. Frantziako himnoa. Bukatu aurretik, 'La Marseillaise' kantatu zuten.

Loira (Loire*). Frantziako ibaia. Departamenduaren izena ere 'Loira' da.

Massif Central* e. Erdialdeko Mendigunea, -a. Frantziako erdialdeko eta hegoaldeko eskualdea.

Matignon. Frantziako lehen ministroaren egoitza.

mugatu. Gehiegi erabiltzen da, joskera behartzeraino. Espainiarrek kanporatutako etorkinak berriz onartzera mugatu dira Frantziako agintariak*[e.] Espainiarrek kanporatutako etorkinak berriz onartu besterik ez dute egin Frantziako agintariek.

Notre legea, -a. Frantziako legea, 2015ean onartua, Errepublikaren lurralde antolamenduari buruzkoa.

Ongi eTourri. Eusko Jaurlaritzak, ETBk eta Kutxabankek 2023an erabilitako leloa, Frantziako Tourra Euskal Herritik pasatzekoa zela eta.

orekarako adina. Frantziako Gobernuak 2019an asmaturiko kontzeptua, pentsio sistemaren sarrerak eta gastuak orekatzeko egokitzat jotzen duen erretiro adina izendatzeko.

plan sozial. Frantziako legedian, kaleratze kolektiboak egiteko lege tresna.

polizia auzitegiak. Frantziako justizia sisteman, arau hauste arinak epaitzen dituzten auzitegiak. Delitutzat jotakoak auzitegi korrekzionalek epaitzen dituzte. Krimentzat jotakoak, berriz, krimen auzitegiei dagozkie.

Posta (La Poste*). Frantziako Estatuaren enpresa.

prefet, prefetura. Frantziako administrazioko kargu bat da 'prefeta', eta hari dagokion egitura da 'prefetura'.

prefektu, prefektutza, prefektura. Erromatar Inperioko eta Eliza katolikoko kargudun bat da 'prefektu'; haiei dagokien kargua 'prefektutza' da; eta lurraldea, 'prefektura'. Zenbait herrialdetan, probintziari deitzen zaio 'prefektura'.

presio egin. h. estu hartu, estutu. Frantziako Hezkuntzak presio egin die irakasleei*[e.] Frantziako Hezkuntzak estu hartu ditu irakasleak.

primario popular. Frantziako ezkerraren hautagaia izendatzeko bozketa prozesua.

Pro D2 (ProD2*). Frantziako errugbi txapelketa, bigarren mailakoa.

Renaissance. Frantziako alderdia.

Rodano (Rhone*). Frantziako ibaia. Departamenduaren izena ere 'Rodano' da.

Segur erreforma. Frantziako osasun sistemaren erreforma.

Sena (Seine*). Frantziako ibaia.

Stade de France. Frantziako estadio entzutetsua, Saint-Denisen dagoena.

suprefet, suprefetura. Frantziako administrazioko kargu bat da 'suprefeta', eta hari dagokion egitura da 'suprefetura'.

TF1. Frantziako telebista katerik zaharrena (lehen, Télévision Française 1). Pribatua da 1987az geroztik.

Top14. Frantziako errugbi txapelketa.

Tourra, -a. Frantziako txirrindulari itzulia.

Zerbitzu Sekretuen Legea, -a (Loi Renseignement*). Frantziako legea.

zerga. Bi zerga mota daude: zeharkako zergak eta zuzeneko zergak. Hona hemen zenbait zerga: aduana zerga edo muga zerga, balio erantsiaren gaineko zerga (BEZ) (IVA*, TVA*, VAT*), errentaren gaineko zerga, gizarte zerga orokorra (Frantziako zerga bat, CSG), jarduera ekonomikoen gaineko zerga, lan pertsonalaren errendimenduaren zerga (Espainiako zerga bat, LPEZ) (IRTP*), ondasunen gaineko zerga, pertsona fisikoen errentaren gaineko zerga (PFEZ) (IRPF*, IRPP*), udal zerga, zerga aitorpena, zirkulazio zerga (biñeta*). Zerga progresiboak.

[sigla] ADEME. /ademe/ Ingurumenerako eta Energiaren Kontrolerako Agentzia, Frantziakoa.

[sigla] AFB. Frantziako Bankuen Elkartea.

[sigla] AGF. /a-ge-fe/ Frantziako Aseguru Orokorrak.

[sigla] AHT. /a-hatxe-te/ abiadura handiko trena. Frantziakoa TGV da, eta Espainiakoa AVE.

[sigla] AISF. /a-i-ese-efe/ Amnesty International, Frantziako Adarra.

[sigla] ANPE. /anpe/ Lanpostuetarako Agentzia Nazionala, Frantziako langabeen bulegoa.

[sigla] BTS. /be-te-ese/ Frantziako hezkuntzan, goi teknikarien agiria.

[sigla] CFDT. /ze-efe-de-te/ Frantziako Lan Konfederazio Demokratikoa.

[sigla] CFTC. /ze-efe-te-ze/ Frantziako Langile Kristauen Konfederazioa.

[sigla] CGT. /ze-ge-te/ Lanaren Konfederazio Orokorra, Frantziako sindikatua.

[sigla] CNAOP. /ze-ene-a-o-pe/ Jatorriaren Informaziorako Kontseilu Nazionala, Frantziakoa.

[sigla] CNSA. /ze-ene-ese-a/ Autonomiaren Aldeko Elkartasunerako Frantziako Kutxa. Laburturik: Autonomiaren Aldeko Elkartasun Kutxa (fr: Caisse Nationale de Solidarité pour l’Autonomie).

[sigla] COI. /koi/ Azpiegituren Orientazio Kontseilua, Frantziakoa.

[sigla] COM. /kom/ Frantziako administrazioan, itsasoz haraindiko kolektibitatea.

[sigla] DNAT. /de-nat/ Terrorismoaren Aurkako Dibisio Nazionala, Frantziakoa.

[sigla] DROM. /drom/ Frantziako administrazioan, itsasoz haraindiko departamendu eta eskualdea. Lehen, DOM-ROM zeritzen (Itsasoz haraindiko departamendua edo eskualdea).

[sigla] Fijait. /fijait/ arau hauste terroristen egileen fitxategi judizial automatizatua, Frantziakoa. Fijaiten neurriei uko eginen dietela berretsi dute.

[sigla] FN. /efe-ene/ Fronte Nazionala, Frantziako alderdia.

[sigla] FO. /efe-o/ Langile Indarra, Frantziako sindikatua.

[sigla] HLM. /hatxe-ele-eme/ Frantziako sisteman, alokairu apaleko bizitokia.

[sigla] Insee. /insee/ Estatistika eta Ekonomia Ikerketen Institutua, Frantziakoa. Laburturik: Frantziako Estatistika Institutua.

[sigla] ISF. /i-ese-efe/ aberastasunaren gaineko elkartasunezko zerga, Frantziakoa (fr: impot solidarit� sur la fortune).

[sigla] LIOT. /liot/ Askatasunak, Independenteak, Itsasoz Harandikoak eta Lurraldeak, Frantziako talde politikoa.

[sigla] LO. /lo/ Langile Borrokak, Frantziako alderdia.

[sigla] Medef. /medef/ Frantziako Enpresen Mugimendua.

[sigla] Modef. /modef/ Laborari Etxalde Txikien Aldeko Mugimendua, Frantziakoa.

[sigla] OFPRA. /ofpra/ Iheslariak eta Aberrigabeak Babesteko Frantziako Bulegoa.

[sigla] PACA. /paka/ Proventza-Alpeak-Kosta Urdina, Frantziako eskualdea.

[sigla] PAF. /paf/ Aire eta Mugetako Polizia, Frantziakoa.

[sigla] PCD. /pe-ze-de/ Alderdi Kristau-Demokrata, Frantziakoa.

[sigla] PCF. /pe-ze-efe/ Frantziako Alderdi Komunista.

[sigla] PEGC. /pe-e-ge-ze/ Frantziako hezkuntzan, ikastetxeetako hezkuntza orokorreko irakaslea.

[sigla] PR. /pe-erre/ Prevention Routiere (Bide Prebentzioa), Frantziako errepideetan laguntzen duen elkartea.

[sigla] PRG. /pe-erre-ge/ Ezkerreko Alderdi Erradikala, Frantziakoa.

[sigla] PS. /pe-ese/ Frantziako Alderdi Sozialista (PSF*).

[sigla] PSU. /pe-ese-u/ Frantziako Alderdi Sozialista Batua, PSren aitzindaria.

[sigla] PTT. /pe-te-te/ Posta, Telegrafoak eta Telefonoak, Frantziako erakundea.

[sigla] RPR. /erre-pe-erre/ Errepublikaren Aldeko Batasuna, Frantziako alderdia. 2002an DLrekin bat egin, eta UMP sortu zen.

[sigla] RPS. /erre-pe-ese/ Eskualde eta Herri Solidarioak, estaturik gabeko nazioetako alderdien federazioa, Frantziakoa.

[sigla] SACD. /ese-a-ze-de/ Autoreen eta Konpositore Dramatikoen Sozietatea, Frantziakoa.

[sigla] SAMU. /samu/ Larrialdietarako Mediku Laguntzako Zerbitzua, Frantziakoa.

[sigla] SFIC. /esefik/ Internazional Komunistaren Frantziako Atala.

[sigla] SFIO. /esefio/ Langileen Internazionalaren Frantziako Atala.

[sigla] SMIC. /es-mik/ Frantziako lanbide arteko gutxieneko soldata.

[sigla] SNCF. /ese-ene-ze-efe/ Frantziako trenbide konpainia publikoa.

[sigla] SRU. /ese-erre-u/ Hiri Elkartasunaren eta Berritzearen Legea, Frantziakoa.

[sigla] TGV. /te-ge-uve/ Frantziako AHTa, abiadura handiko trena.

[sigla] TOM. /tom/ Frantziako administrazioan, itsasoz haraindiko lurraldeak. TOMetan oso txarra da egoera ekonomikoa.

[sigla] UDF. /u-de-efe/ Frantziako Demokraziaren Aldeko Batasuna.

[sigla] UMP. /u-eme-pe/ Herritarren Mugimenduaren Aldeko Batasuna, Frantziako eskuineko alderdia. RPRren ondorengoa da.

[sigla] UNSA. /unsa/ Sindikatu Autonomoen Batasun Nazionala, Frantziakoa.

[sigla] UPR. /u-pe-erre/ Batasun Popular Errepublikanoa, Frantziakoa.

Txirrindularitza

Zinema

Eskola eta unibertsitatea

Finantzak

Hauteskundeak

Feminismoa

Ingurumena