idazkuntza >> Gramatika >> Deklinabide arazoak >> Enumerazioen deklinabideko arazoak: 'iraila eta urrian'*, 'gobernua eta herritarren artean'*...

Bi aukera nagusi ditugu eta-rekin lotutako izenak deklinatzeko: denak berdin-berdin deklinatu, edo azkena bakarrik, besteak mugagabean utzita (inolako atzizkirik gabe). Ez da zuzena erdizka deklinatzea, artikulua jarrita baina atzizkirik gabe:

 Enumerazioko azkena bakarrik deklinatzea, nolanahi ere, bi izenak pluraltzat hartu behar direnean da normala:

[] Gay eta lesbianen aldarrikapenak

Ez da hain normala biak singularrak direnean:

[] Homosexualitate eta lesbianismoa eztabaidagai Bilbon

[] Homosexualitatea eta lesbianismoa eztabaidagai Bilbon

Lotzen diren elementuetan bat singularra eta bestea plurala badira, ezinbestekoa da bakoitzari dagokion atzizkia jartzea:

 Guztiak pluralak badira, bietara egin daiteke, baina normalena denak deklinatzea da:

[] alkate eta zinegotzien parte hartzea [= alkateen eta zinegotzien parte hartzea]

[] alkateen eta zinegotzien parte hartzea

Bi parteak behar den bezala ez deklinatzearen ondorioak larriak dira zenbaitetan.

[] Elkarrizketa eta indarkeriarik ezaren alde agertu zen

[] Elkarrizketaren eta indarkeriarik ezaren alde agertu zen

Berdintasunaren Aldeko eta Emakumeen Aurkako Indarkeriarik Gabeko Bizitzen Aldeko Herri Ituna, -a. Komeni denean, zilegi da parafrasia egitea eta laburtzea; halakoetan, letra xehez idatziko dugu. Berdintasunaren alde eta emakumeen aurkako indarkeriarik gabeko bizitzen alde egindako herri ituna; berdintasunaren aldeko herri ituna; berdintasunaren herri ituna.

indarkeriarik eza, -a. Kontuan hartu hitza 'ez' dela, artikulua baita 'a'. Indarkeriarik eza aktiboa*[e.] Indarkeriarik ez aktiboa.

-ik eza, -a. Kontuan izan hitza 'ez' dela, artikulua baita '-a'. Indarkeriarik eza aktiboa*[e.] Indarkeriarik ez aktiboa.

ez biolentzia*, ez-biolentzia* e. indarkeriarik eza, -a. Ez biolentzia zen Gandhiren bidea*[e.] Indarkeriarik eza zen Gandhiren bidea.