Eguna

Urteko lehen egunarekin bete dira 80 urte 'Eguna' egunkariak argia ikusi zuela. Xabier Lizardi poetak eta beste hainbat kulturgilek urte batzuk lehenago amestutako euskal kazeta Eusko Jaurlaritzan nagusi zen EAJren eskutik etorri zen. Sortzaile ugarik idatzi, itzuli eta marraztu zuen han. 36ko gerra galdu osteko frankismoak eragin zuen etenaren lekuko zuzen izan ziren guzti-guztiak.

Euskarazko lehen egunkaria argitaratu zenetik 80 urte beteko dira etzi. Gerra betean sortu zen 'Eguna', Hego Euskal Herri gehiena frankisten menpe zegoela. Kolpisten mehatxua, baliabide eskasak... hamaika zailtasuni aurre egin zieten kazetariek, mugarri historiko bat ezartzeko.