Emakunde

Alardearen auzia aipatzen ez duen beste testu bat igorri du alkateak Emakundera; planaren prozesuan parte hartu duten elkarteek gogoratu dute dokumentuak ez zuela aurkako botorik jaso Berdintasun Mahaian, eta «demokrazia parte-hartzailea eta gardentasuna» ez errespetatzea egotzi diote Santanori. EH Bilduk eta Elkarrekin Podemos-IUk eskatu dute Emakundeko zuzendariak azalpenak eman ditzala Eusko Legebiltzarrean.

«Maskulinitate berriak» lantzeko sortu zen elkartea, baina badira urte batzuk emakumeen «ahalduntze» saioak ere egiten dituela. Bide horretatik, Artolazabalek gogorarazi du berdintasuna «gizarte osoaren lana» dela, «bai emakumeena, bai gizonena»

Elkarrekin Podemosek-IUk joan den hilean salatu zuen alkateak alardea «ezabatu» nahi izan duela hiriko V. Berdintasun Planetik, eta testuaren beste bertsio bat egin zuela horretarako, «ateak itxita» eta «ohiko administrazio prozesutik kanpo»

Hileroko koparekin bateragarriagoak diren komunen berri emateagatik egin diote aipamen berezia BERRIAri. Hiru enpresa ere saritu ditu Bai Sareak.

Miren Elgarresta izendatu dute ordezko; Berdintasuneko foru zuzendaria izan da orain arte Gipuzkoan.

Diktadura betean sortuak dira biak, barrunbe ilun hartan, baina asmatu zuten ulertzen, beste andre askoren gisan, guztiz bidegabea zela gerizpera kondenatzen zituen bizi eredu hura; ordutik, Txaro Arteagak eta Mariasun Landak bizitzako ardatzen artean dituzte feminismoaren aldarriak.

Donostiako Herri Irratian kazetari egin zituen hamarraldiek eta Emakunde zuzentzen egin zituen urteek egin zuten ezagun Arteaga; haur eta gazte literaturan egin duen bide oparoa da Landaren ibilbideko ezaugarri nabarmenena. Biak batzen ditu, besteak beste, gizon eta emakumeen arteko berdintasun faltaren gaineko ikuspegi zoliak, eta hori gainditze aldera izandako jarrera argiak. Batzen ditu, baita ere, adinak: aurreko mendeko 40ko hamarraldian sortuak dira, Francoren diktadurak eta Eliza katolikoaren pentsamendu hertsiak ia dena irensten zuen aroan, eta horregatik solaskide aski egokiak dira andreak itzalpera zigortzen zituen giro hartan jaio ziren hamaikatxo bat andrek feminismoak zedarritutako bideetan ahalduntzeko zer bide egin zuten ikusteko, ulertzeko, aintzatesteko.

Emakundez gain, berdintasun unitatea duten erakunde autonomo eta publikoek parte hartzen ahalko dute bertan.

Gidaren helburua emakumezkoentzat arriskutsuak diren guneak identifikatu eta aurre egitea da. Euskal Encounter izango da protokolo gidan oinarrituko duen lehen ekitaldia.