Errefuxiatuak eta asiloa

"Errefuxiatuak eta asiloa" bezala etiketatutako albisteen zerrenda

Maite Asensio Lozano

2022ko ekainak 17

Khamad, Falçao eta Dadfer, erdian, Zehar-Errefuxiatuak elkarteko kideekin babestuta.
Ukrainatik, Brasildik eta Afganistandik ihes egin behar izan duten hiru emakume beren bizipenez eta jazarpenaz mintzatu dira, Zehar-Errefuxiatuak erakundeak elkartuta. Asiloa lortzeko prozedura errazteko eskatu dute.

Ane Irazabal

2022ko apirilak 27

Mediterraneoa

Itsas salbamenduan aritzen den lagun ekintzaile baten deia jaso nuen duela hainbat egun. Larrituta zegoen. “Azken egunetan, etorkinez beteriko ontzien etorrera handitu da eta gero eta baliabide gutxiago daude Mediterraneoan”, esan zidan: “Ukrainako gerrak eztanda egin zuenetik, gobernuz kanpoko erakundeen eta Europako gobernuen laguntza bertara bideratu da. Inor gutxi gogoratzen da Mediterraneoaz”.

Maria Ortega Zubiate

2022ko apirilak 3

Bosniatik heldutako errefuxiatuak, Markina-Xemeinen (Bizkaia). Subasic ama-alabak eta Usanovic ageri dira bertan. 1993ko argazkia.

Asteazkenean 30 urte beteko dira Bosnia eta Herzegovinako gerra hasi zela, eta, hori dela eta, hainbat lagunek beren herria utzi eta Euskal Herrira ihes egin zutela. Hiru hamarkadotan, orduan heldutako batzuek bizi erdia egin dute hemen, eta beste batzuek osoa, goxo hartu zituen herrian deserriaren mina borrokatzen eta leku propioa sortzen. Bideoa, albistearen barruan.

Ane Irazabal

2022ko martxoak 30

Errefuxiatuak eta errefuxiatuak

Muzhda Ashrafi eta bere familiak bi urte eta erdi pasa dituzte Grezian harrapatuta. Afganistanetik ihes egin eta Europara iritsi zirenetik, haien asilo eskaerak ez du ez aurrera ez atzera egin. Are gehiago, Greziak babes politikoa ukatu die. Familiak helegitea aurkeztu du eta haien prozesuak joan-etorri burokratiko amaiezinak pairatu ditu azken hilabeteetan. Ez dira bakarrak. Ashrafitarren odisea, beste milaka familiaren istorioetan islatzen da. Azken egunetan Lesboseko eta Samoseko uharteetan dauden hainbat asilo eskatzailerekin hitz egiteko aukera izan dut, baita Balkanetako ibilbidean harrapatuta daudenekin ere. 

Maddi Ane Txoperena Iribarren

2022ko martxoak 18

Bortxaren bortxaz lekualdatuak

Alboan gobernuz kanpoko erakundearen arabera, urtero 100.000 emakume bortxatzen dituzte Kongoko Errepublika Demokratikoan. Hego eta Ipar Kivun eta Ituri eskualdean are gordinagoa da egoera.
1996an hasitako eta 2003an gaizki bukatutako gerrak, mineralen legez kanpoko ustiaketak eta horiekin loturiko talde militarren presentziak areagotu egiten ditu segurtasunik eza, emakumeen aurkako indarkeria sexuala eta herritarren barne migrazioa.
 UNHCRren 2018ko datuaren arabera, 4,5 milioi barne migrante daude herrialdean, eta 811.300 errefuxiatu inguruko herrialdeetan. Horietatik anitz emakumeak dira.
 

Gehiago ikusi

Publizitatea