Feminismoa

 Efemeride feministen zerrenda aztertu, eta data hori aukeratu dute. 1933ko egun horretan, emakumeek aurrenekoz bozkatu zuten Euskal Herrian.

Emakundek berretsi egin du 2024ko azaroaren 5a jaieguna izateko proposamena, baina Lan Sailak erantzun du Emakundek «argumenturik gabe» baztertu duela Martxoaren 8aren aukera. 1933ko azaroaren 5ean emakumeek aurrenekoz bozkatu zutelako hautatu du egun hori Emakundek..

‘Soilik baietz da baietz’ legearen erreformari heldu diogu Berria FMren saio berrian. Baina ez soilik hari: zigorretara mugatzeaz, ezetz esateko zailtasunez eta baiezko behartuez ere aritu gara. Eta Afganistango andreen ezinez. Eta liburu erreez. Eta beste hainbestez.

Efemeride feministen zerrenda bat aurkeztu du, 2024an jaiegun bat ezartzeko. Oraingoz, onespen handiena lortu duen eguna azaroaren 5a izan da. 1933ko egun horretan, emakumeek aurrenekoz bozkatu zuten Araban, Bizkaian eta Gipuzkoan.

Berria FMren etapa berriko lehen saioa Martxoaren 8arekin batera heldu da. Ezinbestean, Emakumeen Nazioarteko Eguna hartu dugu hizpide: izan duen bideaz, haren dimentsioaz eta egunari lotutako erronkez aritu gara. Baita zaintzaz ere —gai hori hartu baitu ardatz mugimendu feministak—, eta urtero egun honen bueltan izaten den zuriketa moreaz.

Martxoaren 8a aldarria kalera ateratzeko eguna bada ere, urte osoan ere hainbat egitasmori bide ematen diete neska gazte taldeek. Hogei neska gazte talde baino gehiago daude Bizkaian. Orain, beste bat ere izango da: Zamudioko Anpuluak taldea batuko zaie zerrendara.

Zaintzarako eskubide kolektiboa exijitu dute. Prozesu bat abiatu dute, herri mugimenduekin eta eragile soziosindikalekin aliantzak eta proposamenak bateratzeko.

Arratsaldeko manifestazioak oso jendetsuak izan dira aurten ere. Zaharren egoitzetako eta etxeetako langileak izan dituzte gogoan, eta emakume migratzaileek duten egoera salatu dute.