Iñaki Lasa

Euskararen onespen mailak gora egin arren, elebitasunaren aurkako jarrera xenofoboak bortizki azaleratu dira Nafarroan. Egoera iraultzeko, pedagogia eta estrategia komunak ezinbestekotzat jo dituzte adituek.

Euskaltzaleen topagune izanen da bihar Iruñeko Anaitasuna kiroldegia. Pabiloia betetzera deitu ditu Kontseiluak herritarrak. Eskerrak eman nahi dizkie, bai eta herri gogoa sendotu ere.

Erakundeak mugitzera behartu ditu herri ekimenak. Eta herri mugimendua moldatu dute erakundeek ere. Bien artean harreman konplizeak eraikitzea beharrezkoa dela uste dute, besteak beste, euskararen aldeko mugimenduko, mugimendu feministako eta mugimendu ekologistako kideek.