Jagoba Salvador

"Jagoba Salvador" bezala etiketatutako albisteen zerrenda

Dunbala

Jagoba Salvador eta Eneritz Furyak

2023ko maiatzak 26

Ekainaren 3an egingo dute MEFSST Musika Errebolta Feminista jaialdia Zarauzko Hiruputzu gaztetxean, Putzuzuloren ondorengoan (Gipuzkoa). Seigarren aldia izango du, sei urteko eten baten ondoren. Jone Azkuaga eta Gatxi Eizagirre, antolatzaileetako bi, proiektuaren oinarrizko asmoez, orain arteko ibilbideaz eta aurtengo egitarauaz aritu dira saio honetan.

Dunbala

Jagoba Salvador eta Eneritz Furyak

2023ko maiatzak 12

Ez da erraza Urtzi Izak zer egiten duen zerrendatzea. «Musikan nabil», esan du Dunbala saioan egindako elkarrizketan. Musikaria da, eta Otoi proiektuan murgilduta dabil azken boladan; aurretik, Enkore eta Empty Files taldeetan aritu izan da, besteak beste. Teknikaria eta ekoizlea ere bada, eta Bilboko Eten espazio sonoroa baliatzen du bere lanerako. Haren lanean sakontzeko baliatu dute aukera.

Dunbala

Jagoba Salvador eta Eneritz Furyak

2023ko apirilak 17

Bai, ongi irakurri duzu: tri-kla-tu-a. Izan hori jarri dio Xabier Malbadik berak sortu duen gailuari. Trikiti moduko bat da, baina hausporik ez duena eta ordenagailuari konektatzen zaiona. Tresna horri buruz hitz egin du saioan Malbadi trikitilari eta ingeniariak: nola sortu duen eta zer erabilera izan dezakeen kontatu du.

Dunbala

Jagoba Salvador eta Eneritz Furyak

2023ko martxoak 24

«Mugako» proiektu bat Nokodek jaialdia: nahasten dituzte diziplinak, hizkuntzak, artistak eta publikoa... Bideo eta musika sormen jaialdi bat da, eta apirilaren 1ean egingo dute aurten, Hendaiako Borderline fabrikan (Lapurdi). Boladan dagoen adimen artifizialak toki nabarmena hartuko du, Ander Fernandez antolakuntzako kideak Dunbala-n azaldu duenez.

Dunbala

Jagoba Salvador eta Eneritz Furyak

2023ko martxoak 13

Twitterren ibiltzen baldi bazara, agian ikusiko zenuen Izkander Fernandezek galdetegi berezi batzuk egiten dituela hainbat urtetako diskorik onenak zein izan diren hautatzeko. Top zerrenda horietan ageri diren lan ezagunez, ezusteez eta joerez aritu da Dunbala podcastean.

Dunbala

Jagoba Salvador eta Eneritz Furyak

2023ko otsailak 24

Ez da erraza izenburuko galderari erantzutea, baina Eneritz Furyakek eta Jagoba Salvadorrek badituzte urteak ekarriko duenari buruzko aurreikuspen batzuk. Orain arte ezagututako aurrerapenen bidetik, proposamen berri batzuez aritu dira; zerrenda «nahiko gaztea» osatu dute, azkenerako.

Dunbala

Jagoba Salvador eta Eneritz Furyak

2023ko otsailak 10

Gauza askori buruz hitz egiteko aukera eman die aste honetako gonbidatuak Jagoba Salvadorri eta Eneritz Furyaki: Haritz Harregi teknikaria ekarri dute 'Dunbala' podcastera. Haren ibilbideari buruz jardun dute. Musikari aritu da zenbait taldetan; besteak beste, Sen pop-rock taldea sortu zuen 1999an, eta Delirium Tremensekin biran dabil orain. Gainera, musika estudio bat ere badu, eta teknikari aritzen da bertan zein zuzeneko emanaldietan.

Dunbala

Jagoba Salvador eta Eneritz Furyak

2022ko abenduak 23

Durangoko Azokaren 'olatua' pasatuta, hari begira jarri dira berriro Eneritz Furyak eta Jagoba Salvador, beste sosegu batekin, aurtengoak ekarri duenaren balantze bat egiteko. Horretarako hitz egin dute Andres Kamio 'Jitu' Elkarreko musika arduradunarekin, Maite Larburu musikari eta Zart kolektiboko kidearekin eta Mikel Amundarain Oso Polita diskoetxeko kidearekin.

Dunbala

Jagoba Salvador eta Eneritz Furyak

2022ko abenduak 12

Eneritz Furyakek eta Jagoba Salvadorrek idazleek idatzitako hitzak dituzten kantuen zerrenda bat egin dute saioan, aurten kaleratu diren eta Durangoko Azokan egon diren diskoekin. Honako musikari hauek aipatu dituzte: Eñaut Elorrieta, Ines Osinaga, Anonyme Popular, Neomak, Niña Coyote eta Chico Tornado, Txost! eta Don Inorrez.

Dunbala

Jagoba Salvador eta Eneritz Furyak

2022ko azaroak 25

Oraingoan ere Bizkairari begiratu diote Jagoba Salvadorrek eta Eneritz Furyakek. Maria Rivero elkarrizketatu dute, joan den astean egin zuten BEST Bizkaiko Emakume Sortzaileen Topaketari buruz. Biltzeko beharra zutela nabarmendu du Riverok, eta uste du topaketak islatu zuela kontzientzia hartzearen «iraultza». Gainontzean, berritasunek ere badute beren tokia podcastean: Akaleia, Myotones, D'Capricho eta Ane Zugaza musikarien lanek, hain zuzen.

Dunbala

Jagoba Salvador eta Eneritz Furyak

2022ko azaroak 11

Bilboko Espora espazioa ezagutzen? 'Entzungunea' deitzen diote haiek. Mikel Vega eta Ibon RG kideek azaldu dute zer den: Larraskituk utzitako hutsunearen gainean sortu dute, entzute aktiboa lantzeko asmoz. Proiektuaren atzeko gogoetez eta datozen asteetako programazioaz aritu dira hizketan.

Dunbala

Jagoba Salvador eta Eneritz Furyak

2022ko urriak 28

Balio Dute kolektiboak Kutixik jaialdia antolatu du Donostian azaroaren 5erako, «tokiko eszena» sustatzeko asmoz. Sei talde eta bakarlari ariko dira: Gilda, Joseba B. Lenoir, Lumi, Mihise, Muare eta Neu Troia. Beñat Urteagak kontatu ditu xehetasunak, Mihise taldeko eta Balio Dute kolektiboko kideak. Bestalde, Durangoko Azokako Ahotsenean ariko diren talde batzuen berritasunak errepasatu dituzte saioan.

Dunbala

Jagoba Salvador eta Eneritz Furyak

2022ko urriak 3

Udako etenaldiaren ondoren bueltan da Jagoba Salvador eta Eneritz Furyak-ek gidatzen duten saioa. Atal honetan Bazka taldeko Erik Berganza izan dute gonbidatu. Izan ere, ekainean lehen diskoa plazaratu zuen Estricalla taldeko kideek eta Galder Izagirrek (Dut, Kuraia, Berri Txarrak) osaturiko banda berriak, eta urrian kontzertuak ematen hasiko da. Horrez gain, Orbel eta Txopet taldeak ere hizpide izan dituzte, besteak beste.

Dunbala

Jagoba Salvador eta Eneritz Furyak

2022ko ekainak 17

"Bezperen dirdira" diskoa kaleratu zuenetik Lumi taldea elkarrizketatzeko abagunearen zain egon dira Jagoba Salvador eta Eneritz Furyak, biziki interesgarria iruditu baitzaie Ziburuko bikoteak grabatu duen bigarren lan luzea. Hortaz, Nahia Zubeldia eta Manu Mathys taldekideekin solasaldi luze eta mamitsua izan dute ikasturte honetako azken atalean. Horrez gain, argitaratu berri den Mikel Laboa eta Artze anaien "Ikimilikiliklik" ikuskizunaren zuzeneko grabazioa hizpide izan dute.

Dunbala

Jagoba Salvador eta Eneritz Furyak

2022ko ekainak 3

Tolosako Bonberenea gune autogestionatuaren baitan sorturiko Bonberenea Ekintzak zigiluak 20 urte egin ditu. Bi hamarkada horietan ehundik gora disko argitaratu ditu eta plataforma garrantzitsua bilakatu da euskal diskogintzan. Urtemuga ospatzeko 14 talde bildu dituen jaialdi handia antolatu du eta horretaz guztiaz hitz egiteko Patxi Muñoa Bonbereneako kidea gonbidatu dute. Horrez gain, MICE, Gilda, Bonberenea Txaranga eta Kuraiaren kantu bana entzuteko parada izan da.



Dunbala

Jagoba Salvador eta Eneritz Furyak

2022ko maiatzak 20

Hilaren hasieran kaleratu du Habi taldeak lan berria, 'Helmuga'. Lau kantuz osaturiko EPa da, Elkar diskoetxeak biniloan argitaratua, eta dagoeneko kontzertuetan aurkezten ari direna. Horretaz hitz egiteko Yeray Gascon abeslari eta gitarrista elkarrizketatu dute atal honetan, eta ohi bezala, saioaren amaieran kantu bat aholkatzeko eskatu diote. Horrez gain, Bihar eta Birkit-en abesti bana entzun eta hizpide hartu dute Jagoba Salvador eta Eneritz Furyakek.

Dunbala

Jagoba Salvador eta Eneritz Furyak

2022ko maiatzak 13

Aste honetako albiste nagusietako bat izan da Ødei rap abeslariaren bakarkako lehen diskoaren argitalpena. 2zio taldeko kide ohiak bere lanaren gaineko ardura osoa hartu du 'Terapia' izeneko diskoan, hala abestien konposizioarena nola ekoizpenarena. Horretaz mintzatu da luze eta zabal Jagoba Salvador eta Eneritz Furyakekin. Horrez gain, Maraca Diabloren disko berria eta Zazkel taldearen agurra aipagai izan dituzte.

Gehiago ikusi

Publizitatea