Jaiak

"Jaiak" bezala etiketatutako albisteen zerrenda

Berria

2022ko irailak 27

Iruñeko Braulia erraldoia Udaletxe plazan dantzan, 2019ko irudi batean.

Herritarrak hunkitu ditu azken egunotan Iruñerrian zabaldutako bideo batek: irudiotan, Iruñeko Braulia erraldoiaren dantza, lau begi gazte balkoian, eta ate danbateko bat, izuaren izuz.

Olaia L. Garaialde

2022ko irailak 24

Sagar uztaren festa egingo dute bihar Astigarragan, Gipuzkoan.
Sagarrak bildu, eta uztaren lehen muztioa dastatuko dute bihar Astigarragako Sagar Uztaren Jaian. Sagarraren azoka ere izanen da

Iker Tubia

2022ko irailak 24

Iruñeko Alde Zaharreko udalbatza txikiko kideak, atzo, goxokiak botatzen, San Fermin Txiki bestetan.
Hasi dira Iruñeko San Fermin Txiki bestak, karrikak hartzeko gogo handiz. Jendetza batu da txupinazoan: dantzan zaharrenak, eta goxokien ehizan gazteenak. Denak zeruari so.

Unai Etxenausia

2022ko irailak 17

Mahats bilketaren jaia artxiboko irudi batean.
Arabako Errioxako mahats bilketaren festa ospatuko dute bihar Lantziegon. Pou anaia eskalatzaileak izango dira aurtengo pregoilariak

Unai Etxenausia

2022ko irailak 13

Arabako babarrun nabarra dastatu ahal izan dute Olarizuko erromeriara joan direnek.
Berrehun urteko tradizioari jarraituz, jendetza bildu da goizetik Olarizuko zelaietan, erromeriaz gozatzeko. Euskal Herriko hainbat produktu jarri dituzte salgai azokan, egun osoan.

Ane Insausti Barandiaran

2022ko irailak 10

<b>1. Antzerkia.</b> 2x2 antzezlana egin du Alproja taldeak.
Ohiko itxura hartu du euskal jaiak Zarautzen, bi urteren ostean, eta Gipuzkoan jaieguna izaki, jendez bete da. Erromeria egin dute Musika plazan eta Lege Zaharren Enparantzan. Munoan, berriz, Alproja taldeak Zarauzko trenbidean egindako bigarren erreia kritikatu du, '2x2' antzezlan umoretsuan.

Iker Tubia

2022ko irailak 9

Mai Garde Osasunako kapitain ohia, atzo, Iruñeko udaletxeko harrera aretoan, Enrique Maia alkateak Iruñeko Zapia jantzi zionean.
Mai Garde eta Oier Sanjurjo Osasunako kapitain ohiei Iruñeko Zapia jantzi die Iruñeko alkateak. Sanjurjoren ordez, bere gurasoak joan dira ekitaldira. Batasunaren Pribilegioa ospatu dute hirian.

Berria TB - Foku

2022ko irailak 8

Hondarribiko Alardea

Irudiak: BERRIA TB eta Foku

Alarderik egin gabe bi urte igaro eta gero, 2022ko irailaren 8an, Jaizkibel konpainiak 25 urte bete dituenean, ospatu da alarde eguna Hondarribian.

Jaizkibel alardean txertatzeko jaio zen, bertan parte hartu nahi zutela adierazteko. 25 urte hauetan babes sozial handia lortu arren, ez dute alardearen parte izatea lortu.

Ohi bezela defilatu dute, desfile baztertzailearen aurretik. Oso babestuta ibili da konpainia mistoa: 2019an bezala, plastiko beltzik eta Jaizkibelen aurkako kartelik ez da izan Kale Nagusian; jende gutxiago ikusi da espaloietan andreei bizkarra ematen, eta ozen entzun dira «Gora Jaizkibel» aldarriak.

Amaia Jimenez Larrea

2022ko irailak 8

<b>Kolorea.</b> Jose Migel Barandiaran plaza mota eta kolore askotako fruta eta barazkiz bete da.
Ilarduiako La Leze gaztandegiak irabazi du Ordiziako Euskal Jaietako ardi latxaren esneaz egindako gazta txapelketa. Bastidako Mitarte upategiak 9.600 euro ordaindu ditu gazta erdiagatik. Iaz baino hiru gazta gehiago aurkeztu dira txapelketara, eta «maila handia» egon da parte hartzaileen artean.

Arantxa Iraola

2022ko irailak 7

<b>Entsegu jendetsuak.</b> Jaizkibelen azken entsegua, astelehenen arratsaldean.
Jaizkibel konpainia urteroko eran aterako da bihar, desfile baztertzailearen aurretik. Konponbiderik ez da bideratu izurriaren urteetan, baina aldaketa gogoa agerikoa da

Enekoitz Telleria Sarriegi

2022ko irailak 7

<b>Jendetza. </b>Eskifaiako kideak, Getariako portuan gora.
Elkanoren lehorreratzeak jendetza bildu du Getarian. Berezia izan da aurtengo urtemuga: 500 urte lehen aldiz munduari bira eman ziotela, eta 100 urte itzulerari buruzko antzezlana egiten hasi zirela. Getariarrek bizi duten eta biziz berritu duten jaia da.

Iker Tubia

2022ko irailak 6

Gaita eta danbor jotzaileak, 2018ko Batasunaren Pribilegioaren bestan, Iruñeko Udaletxe plazan.
Batasunaren Pribilegioaren besta ospatuko dute ostegunean Iruñean, erraldoiekin, dantzariekin eta musikariekin. Mai Gardek eta Oier Sanjurjok jasoko dute Iruñeko Zapia

Amaia Igartua Aristondo

2022ko irailak 6

Mutil bat antzarari helduta, eta, atzean, jendetza Lekeitioko portuko hesien atzean. Antzara Eguna ospatu zuten atzo.
Lehen aldiz, Lekeitioko kuadrilla denek hegazti sintetikoa erabili dute antzara jaian. Alabaina, beste aldaketa bat izan dute ahotan, batik bat: pantalanaren itxitura.

Gehiago ikusi

Publizitatea