Xabier Mikel Azparren

Azparren anaiak Euskaltelen ariko dira aurten. Enekoitz iritsi berria da, eta Xabier Mikelek hirugarren sasoia du. Haien familiarentzat «ametsa» da biak gorenean taldekide izatea, eta «gogotsu» daude lehiatzen hasteko. Bizikletari beldurra zioten hasieran, baina orain ezin dute askatu.

Gaur jokatuko da Donostiako Klasikoa, eta bigarrenez ariko da Xabier Mikel Azparren etxeko lasterketan. Iaz ezin izan zen iritsi helmugara, baina aurten «lasaiago» heldu da egun handira.

Bigarren urtea du Azparrenek profesionaletan, eta «pozik eta harro» dago ematen ari den aurrerapausoarekin. Alentejoko itzulian lehen garaipena lortu ostean, gehiagoren gosez dago.

Joan den Donostiako Klasikoan World Tour kategorian debuta egin eta gero, bere lehen itzuli handian dago orain. Aurreneko astean egindako lana «oso positiboa» izan dela dio.