0-3 urteko zikloko baldintzak malgutuko ditu Nafarroak

IRUÑEA. Haur Hezkuntzako lehen zikloari buruzko dekretu proiektua onartu du Nafarroako Gobernuak, eta iragarri du 0-3 urteko zentroen baldintzak malgutuko dituela. Ikasle kopuruari dagokionez, 2013-2014 ikasturtera arte izanen dute aukera zentroek ratio berriak betetzeko: hamahiru ikasle 1-2 urtekoen geletan (orain baino bat gehiago), eta 18, 2-3koetan (bi gehiago).