Donostiako Miramar jauregian eman dute dokumentuaren berri: "Ekarpen positiboak egin nahi ditugu herri honek bakearen bidean aurrera egin dezan, guztion artean gatazkaren ondorio tragikoak behin betiko gainditzeko gai izan gaitezen eta, era berean, gatazkaren arrazoiak konpontzeko".
Elena Bartolome Josu Muguruzaren bikotekideak eta Karmelo Arregi Susana Arregiren nebak aurkeztu dute agiria: "Sentsibilitate ezberdinen arteko elkar ulertzea abiarazteko eta bideratzeko oinarrizkoak diren gaiak jorratuko ditugu, aurkeztuko dugun Errazten. Berriro inoiz ez izeneko dokumentuaren bitartez".
Ekitaldian, Kolonbiako Gobernuaren eta FARCen negoziazio prozesuan Habanako elkarrizketetan parte hartu duen pertsona baten ekarpena entzun dute. Kolonbiako gatazkan biktimen auzia nola landu duten oso interesgarritzat jo du Egiari Zor fundazioak.
