1936ko gerran hildako nafarrei omenaldia egin diete gaur Sartagudan. «Nafarroako Oroimen Historikoaren Eguna» egiten ari dira gaur, herri horretako Oroimenaren Parkeak bost urte bete dituela ospatzeko. Gerran hildako 3.000 nafar inguru omentzeko egin zuten parkea.
12:00etan egin dute ekitaldi nagusia. Jose Maria Jimeno Jurio historialaria ere omendu dute, hark egindako ikerketei esker topatu baitzituzten fusilatutakoak lurperatutako hainbat hobi. Omenaldiez gain aldarrikapen eguna ere bada, Jose Ramon Martinez Alargunen Herriaren Elkarteko kideak; erakunde publikoek gaiaren inguruan izandako «utzikeria» kritikatu nahi dute. Martinezen hitzetan, «inork ez die biktimei edo senideei barkamena eskatu».
14:00etan herri bazkaria egingo dute.
