Eusko Jaurlaritza berriro martxan 1979an jarri zutenetik, Iñigo Urkulluk orain osatutakoa da sail aldetik murritzena, zortzi sailekin. Lehendakariordetzarik ez du izango.
1979an osatutako Jaurlaritza izan zen sail aldetik handiena, Carlos Garaikoetxea lehendakariarena: hamalau sail eta lehendakariorde bat. Ondoren, hamar eta hamahiru sailen artean ibili dira. Eta 1979-2009 artean gutxienez beti lehendakariorde bat izan du; Patxi Lopezen azkeneko gobernuak ez du eduki.
