2012ko sanferminen amaieran, Poliziak billabesaren entzierroa galarazi zuen, jarduera ez-ofizial batekin trafikoa ixten eta garbiketa lanak eragozten ari zirela argudiatuz. Iruñeko Udaltzaingoak eta Espainiako Poliziak istilu larriak eragin zituzten, eta bost lagun atxilotu.
Hiru urte geroago, bederatzi hilabete, urtebete eta bi urteko espetxe zigorrak ezarri dizkie Iruñeko 2. Zigor Auzitegiak hiru gazteri, "agintearen aurkako atentatua" egitea egotzita. Beste bati 240 euroko isuna jarri dio, eta bosgarren auzipetu bat absolbitu egin dute.
