Jean Jacques Lasserre Ipar Euskal Herriko Hautetsien Kontseiluko persidentea eta Jean Baptiste Etxeto Garapen Kontseiluko presidentea Jean Marc Ayrault Frantziako lehen ministroaren kontseilari Philippe Yvinekin bildu ziren atzo Parisen. Gaur egungo gobernantza gainditua dagoela ebatziz, jakinarazi diote 2014ko udal hauteskundeen ondotik orain arteko gogoetan sakonduko dutela. Gisa berean, estatuaren eta eskualdearen arteko Lurralde Kontratua azterteari ekin diote bi kontseiluek.
Yvinek jakinarazi die gobernuak lehentasuna ematen diola Lurralde Kontratuaren arraberritzeari eta eskatu diela prefetei eta departamenduko presidenteari kontuan hartzeko Euskal Herriaren berezitasuna. Kontratu berriak oraingoak baino baliabide anitzez gehiago beharko dituela ohartarazi diote Euskal Herriko eragileek. Heldu den udaberrian berriz biltzea adostu dute bi parteek.
