23 urteko mutil gazte bat hil da Bilbon ibaira salto egin eta itota

23 urteko mutil gazte bat hil da bart goizaldean Bilbon, Nerbioi ibaira salto egin, igeri egiten ahalegindu, eta itota.

Lekukoek Ertzaintzari agertu diotenez, goizeko ordubiak eta laurden aldera gertatu da, Alde Zahar alboan, Barrenkaletik hurbil: aipatutako mutil gaztea lagunekin zihoan, eta alkandora kendu ostean ibaira egin du jauzi. Metro batzuk igerian egitea lortu du, baina ondoren, hondoratu eta ito egin da.

Goizeko bostak inguruan lortu dute Ertzaintzako urpekariak hilotza aurkitu eta ateratzea.