Proposamena onartzeko, herri guztien erdiek bozkatu behar dute alde gutxienez, eta alde bozkatzen duten herriek biztanleria osoaren erdia ordezkatu behar dute gutxienez. Hori horrela, 147.967 biztanle ordezkatzen dituzten herriek eman behar diote oniritzia proiektuari (erdiak gehi bat); gutxienez, 80 herrik (beste hainbeste). Jada 60 udalerrik baiezko hautua eginda, hogei falta dira hirigune elkargo bakarraren proiektuak baldintza hori ere bete dezan. Gaur-gaurkoz, hemezortzi dira kontra bozkatu duten herriak, eta 74.521 herritar ordezkatzen dituzte.
Ezezkoa bozkatu duten hirien artean daude Miarritze eta Angelu eta bi horiek eman diote bultzada ezezkoen alde daudenei. Hala ere, bi bider dira hirigune elkargoaren alde daudenak.
