24 urteko lagun bat hil da gaur arratsaldean Elorrion, Errebombillo kaleko gazteen lokal batean izandako sutean, Eusko Jaurlaritzako Herrizaingo Sailak esan duenez. Ordubiak aldera izan da sutea, eta suhiltzaileak hara joan direnean gaztearen hilotza ikusi dute. Herrizaingo Sailaren arabera, ustez kea arnastuta zendu da.
Mutila da hildakoa, Elorriokoa bertakoa. Gorpua Bilbora eraman dute, bihar autopsia egiteko.
Ertzaintzak ikerketari ekin dio. Lehen datuen arabera, berogailu elektriko batek eragin du sutea.
