Atzo arratsaldeko 16:00etan Erandioko (Bizkaia) bizilagun batek alboko etxe batean "eztabaida beroan" ari zirela esanez deitu zuen Ertzaintzara. Esandako lekura joan zirenean, hainbat zauri ageri zituen emakumezko bat aurkitu zuten eskaratzean. Bikotekideak jo zuela esan zien ertzainei.
Ordurako emakumezkoaren bikotekideak ihes egin zuen erasoa gertatu zen etxetik, baina 17:00ak aldera atzeman eta atxilotu zuten ertzainek 25 urteko FE.Y.R., genero indarkeria delitua egotzita.
Neska, berriz, Gurutzetako erietxera eraman zuten. Izan ere, zauriak zituen sudurrean, ezpainetan eta gorputz enborrean.
Emakumeen kontrako indarkeria
25 urteko gizonezko bat atxilotu dute Erandion bikotekidea jipoitu duelakoan
Neska Barakaldoko (Bizkaia) Gurutzetako erietxean artatu behar izan zuten, sudurrean, ezpainean eta gorputz enborrean zituen zauriengatik.
Iruzkinak
Ez dago iruzkinik
Ordenatu
