27 urteko mutil gazte bat atxilotu dute Gasteizen, bikotekideari jipoia ematea egotzita

27 urteko gizonezko bat atxilotu du Ertzaintzak bart Gasteizen, bikotekideari jipoia ematea egotzita.

Jaurlaritzako Herrizaingo Sailak agertu duenez, 23:20 aldera jazo da erasoa, Ariznabarra kaleko etxebizitza batean. Bizilagun batek lehenik eta biktimak berak ondoren, deitu zioten Ertzaintzari.

Esandako lekura iristean, emakumezko batek agertu die bikotekideak jo egin duela: lehendabizi ukabilkada bat emanda lurrera bota duela, eta lurrean zegoela jotzen jarraitu zuela pisukide batek aurre egi dion arte.

Emakumezkoa Santiago Ospitalera eraman dute, zauriak baitzituen aurpegian eta lepoan. Halaber, ustezko erasotzailea, 27 urteko A.A.M. atxilotu egin dute.