Patxi Baztarrika Eusko Jaurlaritzako Hizkuntza Politikarako sailburuordeak eta Frantxoa Maitia EEPko presidenteak izenpetu dute akordioa Baionan; horren arabera, 1.600.000 euroko diru funts bat sortuko dute bi erakundeek Lapurdin, Nafarroa Beherean eta Zuberoan euskara sustatzeko, eta horri egingo dio Jaurlaritzak 400.000 euroko ekarpena.
Funts hori bitan banatuko da: 1.280.000 euro, Iparraldean euskararen alde diharduten eragile nagusiekin elkarlanean aritzera bideratuko dituzte; gainontzeko 320.000 euroak, berriz, eragile pribatuen proiektu zehatzak finantzatzeko baliatuko dituzte.
Gainera, akordio horren bidez zehaztuko dituzte Iparraldean hizkuntza gaitasuna aitortzeko tituluak.
