Talde sozialistaren galderei erantzunez eman ditu datuak Espainiako Gobernuak. 2015eko lehen hiruhilekoan 4.120 guardia zibil eta Espainiako polizia zeuden hiru lurralde horietan, zehaztu duenez, ETAk armak uztea erabaki zuenean baino 465 gutxiago.
2.704 guardia zibil daude Araba, Bizkai eta Gipuzkoan. Horietatik ia erdiak Bizkaian daude, 1.214 zehazki. Gipuzkoan 960 guardia zibil daude, eta Araban, 530. Espainiako poliziei dagokienez ere Bizkaia da gehien dagoen lurraldea: 621. Gipuzkoan 488 daude, eta Araban, 307.
Espainiako Gobernuak nabarmendu du 2011ko urritik 465 polizia gutxiago daudela orotara hiru lurralde horietan. Guardia zibilak 350 gutxiago direla dio, eta Espainiako Poliziaren agenteak, 115 gutxiago.
