Ekainean jakin zuen Ertzaintzak norbaitek zenbait lagun zituela garaje batean lanean. Ikerketa baten ostean, asteartean sartu ziren segurtasun indarrak garajean, eta bederatzi lagun aurkitu zituzten barruan lanean; berez, hamahirurentzako lekua zegoen.
Atzo goizean atxilotu dute ustez negozioaren arduraduna, 46 urteko gizonezko bat. Segurtasun Sailak azaldu duenez, langileek garajean bertan jaten zuten, eta hilean 500 euro inguru irabazten zituzten. Guztiak kontraturik gabe ari ziren lanean.
