65 urteko gizonezko bat hil da Aiako Harriko basoan (Irun, Gipuzkoa). Eusko Jaurlaritzaren Segurtasun Sailak jakinarazi duenez, 10:00 aldera SOS Deiak 112 telefonora deitu du basoan oinez zihoan pertsona batek, bizikleta baten alboan gizonezko bat lurrean konorterik gabe zegoela jakinarazteko.
Larrialdi zerbitzuak berehala bertaratu dira, baina ezin izan dute ezer egin gizona bere onera ekartzeko. Suhiltzaileek beilatokiko zerbitzuak irits zitezkeen tokiraino eraman dute hilotza, eta handik Donostiako Auzitegi Medikuntzako Erakundera eraman dute.
