75 urteko gizon bat zendu da, traktoreak harrapatuta

HIRIBERRI DEIERRI. Gizon bat zendu zen atzo Hiriberri Deierrin (Nafarroa), traktoreak azpian harrapatuta. 75 urte zituen. Ezbeharra eguerdian gertatu zen. Antza denez, traktoretik jaitsi zen nekazaria, atzean lotuta zuen lanabesa mugitzeko, eta une horretan ibilgailuak azpian hartu zuen. Sendagilea saiatu zen suspertzen, baina, buruan jasotako kolpeen ondorioz, hil egin zen. Foruzaingoak ikerketa hasi du.