Deitzaileen batasunari erreparatuz gero, mugarria izan da gaurko greba eguna. Unibertsitatez kanpoko hezkuntza publikoko langileen grebaren deiari CCOO eta UGT ere gehitu zaizkio —ikasturte honetan kolektiboka egin dituzten greba egunak ELAk, LABek eta Steilasek antolatu dituzte—.
Gaurko deialdiaren oihartzuna "aparta" izan dela diote ELAk, LABek eta Steilasek. %90ekoa haur eskoletan, %85 heziketa berezian, %80 sukalde eta garbiketan, eta %75etik gora irakasleetan. UGTk gaineratu du ia zentro guztiak itxita egon direla .
Hainbat mobilizazio egin dituzte greban zeuden langileak.
Gasteizen ere hezkuntza komunitatea greban!
— ELA Hezkuntza (@ELAhezkuntza) 2017(e)ko abenduak 12
Kalitatezko hezkuntzaren alde, murrizketei ez!#GrebaHezkuntzanpic.twitter.com/1yn6x6hJES
Bilbon manifestazio jendetsua #GrebaHezkuntzan#hezkuntzaPublikoaBorrokan#ordezkapenakLehenEgunetik#GaixotzeaEzDaDelitua#lanbaldintzakhobetuhezkuntzaeraikipic.twitter.com/T5udCrU3Pm
— STEILAS sindikatua (@STEILAS_) 2017(e)ko abenduak 12
Donostian ere #HezkuntzaEraikipic.twitter.com/lbTN9CbmIE
— #KataluniarekinBat (@LABsindikatua) 2017(e)ko abenduak 12
"Milaka ikasle, langile eta familiak" egiten dituzten aldarrikapenei irtenbidea emateko borondaterik ez izatea egotzi diote sindikatu abertzaleek, beste behin, Jaurlaritzari: "Propagandaz bildurik plazaratu duen aurrekontu egitasmoak ez du inolako neurririk jasotzen egungo egoerari irtenbidea emateko". Jarrera aldatu ezean, greba eta mobilizazioetan jarraituko dutela ohartarazi dute.
