90 udalerritik gorako babesa jaso du Nafarroa Bizirik-ek

1512-2012 Nafarroa Bizirik taldearen agiriarekin 90etik gora udalek eman diote babesa. Hala, atzoko martxa nazionalean, udal horietako guztietako ordezkaritza izan zen. Euskal Herriko txoko guztietako udalen izenak ikus zitezkeen, Nafarroako ikurrinarekin batera herriaren izena agertzen zelako. Horietariko asko Nafarroako bazter guztietako herrien izenak ziren, handiak zein txikiak. Arbizu, Alesbes, Antsoain, Barañain, Iruñea, Baztan, Lesaka, Agoitz, Etxauri, Larraga, Oibar, Oteitza, Altsasu, Faltzes, Arakil, Olazti, Ziordia, Galar, Uharte, Uharte Arakil, Irurtzun, Tafalla, Iturmendi, Azkoien, Lizarra, Berriozar, Arantza, Etxauri... Beste hainbat lurraldetako herrien izenak ere ugariak ziren.