Abenduaren 11tik aitzina SNFCk eginen duen zerbitzu murrizketa salatu du CGTk

CGT sindikatuak deiturik SNCFeko 50 langile elkarretaratu ziren astelehen gauean Hendaiako geltokian, tren konpainiak egin nahi duen zerbitzu murrizketa salatzeko. Suziriak eskuan, abenduaren 11tik aitzina SNCFk eginen dituen lanen aitzakian tren ugari kenduko direla jakinarazi zuten langileek. Sindikatuek salatu dute ordutegi aldaketak trenen %85i eraginen diela, eskaintzak osoki aldatuz, tren loturak hutseginez, AHT ardatzaren denbora oren erdiz emendatuz eta bertze tren batzuk kenduz. Zerbitzu publikoei buruzko foro bat antolatzea proposatzen du sindikatuak, eragile guztien artean adosteko egin beharreko aldaketak.