Sortu, Aralar, Abertzaleen Batasuna, Eusko Alkartasuna eta Alternatibak ekitaldi politikoa eginen dute martxoaren 30ean Itsasun (Lapurdi).
Independentisten sareak Iruñean antolatu Aberri Egunerako deia ere luzatu dute ezkerreko bost alderdi abertzaleek. "Independentistak Sarearen deialdiarekin bat egiten dugu iduritzen zaigulako Aberri Eguna herri bezala ospatu behar dugula, ez duela alderdi batek deitu behar baizik eta gizarte mugimenduak", Iñaki Irazabalbeitia Aralareko kideak azaldu duenez. Itsasuko ekitaldi politikoaren berri eman dute Baionatik, arratsalde honetan antolatu prentsaurrekoaren bidez.
