Abertzaleek salatu egin dute debekua

Oskar Matute

Alternatiba

Debekuak «normalizazio politikorako atzerapen larria» direla salatu du Oskar Matutek, Alternatibako bozeramaileak: «Guztiz onartezinak dira giza eskubideen aldeko manifestazioen eta elkartasun adierazpenen debekuak».

Laura Mintegi

EH Bildu

Zuzenbide estatuak batzuentzat neurri bat eta besteentzat beste bat erabiltzea «oso larria» dela esan du Laura Mintegi EH Bilduko hautagaiak: «Estatuak sinesgarritasuna galtzen du». Gaixo dauden presoen aldeko martxa debekatzea salatu du.

Aralar

Aralarrek salatu du «oso larria» dela Espainiako Auzitegi Nazionalak gaixo dauden presoak libre uzteko eskatzeko martxa debekatzea; «adierazpen askatasunari eraso egiten dio, eta giza eskubideen errespetua ukatzen du».

Ramon Jauregi

PSOE

Josu Uribetxebarriaren egoeraz erabakia hartu aurretik Jose Luis Castro epailea Donostiako Ospitalera joatea «egokia» dela uste du Ramon Jauregi PSOEko diputatuak. Gainera, gai honetan PPren gobernua ondo jokatzen ari dela uste du.