Euskal Herriko, Herrialde Katalanetako eta Galiziako abertzaleen aurkako kartelak jarri ditu Nudo Patriota Español taldeak Madrilen. EH Bilduko Laura Mintegi, ERCko Oriol Junqueras, CiUko Artur Mas, BNGko Anxo Quintana eta EAJko Iñigo Urkulu agertzen dira karteleko irudian.
Separatismoa? Konstituzioa da arazoa esaldia dago idatzita argazkien azpian.Ondoren, Espainiako Konstituzioaren 137. artikulua aipatzen da: "Udalerritan, probintziatan eta autonomiatan dago antolatuta Estatua. Entitate horiek autonomia dute euren interesen gestiorako". Beraz, Nudo Patriota Españolen ustetan, artikulu hori da akatsa, abertzaletasunerako bidea zabaldu duena.
