Goizean goiz hasi dituzte Donostian, EHUren Carlos Santamaria zentroan, Lurraldea eta Hizkuntza. Orain eta Geroa III. jardunaldiak. Aurten, ELE edo eragin lingusitikoaren ebaluazioa tresnaren etorkizunari buruz arituko dira, eta horretarako adibide zehatzak bildu dituzte goizean. Besteak beste, Lekarozko proiektuaren ELEaren esperientzia jarri dute mahai gainean Goizane Arana Uemako teknikariak eta Marta Chamorro baztango Euskara teknikariak.
Ondoren, eta kaferako eten txiki baten ostean, bide horretan egin daitezkeen urrats berriei buruzko mahai ingurua egin dute Imanol Esnaolak, Miren Vives arkitektoak eta Jabier Zabaleta Orioko Euskara teknikariak. Eta arratsaldean, berriz, ELE tresnaren txertatze legala izango dute aztergai Unai Fernandez de Betoño Arkitekturan doktore eta jardunaldien batzorde akademikoko kideak eta Iñigo Urrutia Zuzenbidean doktore eta jardunaldien batzorde akademikoko kideak.
