Adingabe bat atxilotu dute, bi lagun sastakatzeagatik

DONOSTIA. Ertzaintzak 14 urteko gazte bat atzeman du Donostian, bi pertsona sastakatzea egotzita. Herenegun goizaldean gertatu zen erasoa, Eusko Jaurlaritzako Herrizaingo Sailaren arabera. Borrokan hasi ziren gazte ugari, eta, ustez, orduan oldartu zitzaien atxilotua bi gazteri. Bularraldean eta saihetsean labankada bana eman zien. Erietxera eraman zituzten biak.